9 Mamyr - Jeńis kúni! Bul Jeńis ońaılyqpen kelgen joq. Maıdangerlerdiń ıyǵyna asa aýyr júk túsip, Otany, eli úshin ot bolyp jandy, oq bolyp atyldy. Qanshama bozdaqtar urys dalasynan qaıtpaı qaldy. Aryn-baıraq, namysyn naıza etken erlerdiń qaharmandyǵy ańyzǵa aınaldy.
Osynaý mereıli kúnge oraı 3 mamyr kúni Abaı kitaphanasy Uly Jeńistiń 73 jyldyǵyna arnalǵan «Soǵys oty sharpyǵan ánder» atty ádebı-mýzykalyq kesh ótkizdi. Kesh barysyna arnaıy Petr Kolomın, Grıgorıı Malorov syndy soǵys ardagerleri shaqyryldy. Kesh qonaqtary bul jıynda qysqasha ómirbaıandarymen tanystyryp, sonymen qosa qan maıdan kezindegi azat etken jerlerdi de tilge tıek etti.
Is-shara barysynda soǵys jyldaryndaǵy jaýyngerlerge rýh bergen, úmit syılaǵan «Darıǵa sol qyz», «Kesteli oramal», «Katıýsha», «Kezdeısoq vals» syndy án shashýlar aıtyldy. Keshke Saltanat Sybanbaeva, Danııar Ahmadıev syndy qalamyzdyń bedeldi ánshilerin arnaıy shaqyryp otyrmyz. Sonymen qatar Qazaq ınnovasııalyq gýmanıtarlyq-zań ýnıversıtetiniń áskerı kafedrasynyń oqytýshysy, zapastaǵy polkovnık Qaırat Turlybekov jáne zapastaǵy maıor Talǵat Jaryqbasovtyń basshylyǵymen stýdentterden quralǵan hor men áskerı defıle kórsetip ózderiniń úlesterin qosty.
Budan bólek atalmysh is-sharany «Uly Jeńis - bolashaq urpaqqa mura» atty soǵys jyldaryndaǵy shejireli kitap kórmesi tolyqtyrdy.
Raýshan NUǴMANBEKOVA